Festivalar og folkefestar

Festivalar er den ultimate sommaropplevinga, men her er det alltid ein fest. Fra april til november kan du finne ein fest på dei mest uventa plassar. Dei fleste kjem til same tid kvart år, nokre annankvart. Desse er innan rekkevidde.

Foto Balejazz

Balejazz 8.-10 mai 2026

Balejazz er jazzfestivalen som sidan 1990 har samla folk til musikk og liv i Balestrand. Her kan ein nyte både kjende og ukjende norske og internasjonale jazz- og pop-musikarar, maten og bygda.

Foto: Christel Øen

Sommargry 5.-7.juni 2026

Sommargry i Hyllestad kickstartar sommaren med eit breidt spekter av aktivitetar og kulturarrangement i løpet av første helga i juni. Konserten i prestegardshagen laurdagen er ein av hovedattraksjonane..

Himmel og Hav 19.-21.juni 2026

I juni brakar det laust med Kinnaspelet, Sildebordet, Laksens Dag og Musikkfestival, alt same helg i Florø og på Kinn. Det kjem til å bli enno ein fargerik og sjarmerande festival …

Foto: South Coast Creative

Havblikk 26.-27.juni 2026

Reis ut i havgapet og opplev Havblikk musikkfestival på Fanøy utanfor Florø. Dette er ein intim musikkfestival der du kan oppleve både etablerte og nye artistar i spektakulære omgjevnader. Festivalen er lokalt forankra og bidrar til stoltheit, fellesskap og kulturliv i ytterkant av distriktet.

Førdefestivalen 1.-5.juli 2026

Skandinavias største internasjonale festival for akustisk folkemusikk og verdsmusikk vert arrangert i veke 27 kvar år. Rundt 250 artistar frå heile verda har konsertar på 30 scener gjennom 90 ulike programpunkt, og kvart år kjem om lag 20000 besøkande. Sjekk også Førdefestivalen heile året.

Våt moro 9.-12.juli 2026

Havsportfestivalen er skapt og driven av lokale eldsjeler, for å skape leik og moro i eigen heimby, Florø. Målet er å bidra til at festivaldeltakarane kan prøve aktivitetar som nyttar dei unike naturressursane som ligg rundt kystbyen Florø slik at terskelen for å vere ute i friluft og i det våte element blir senka. Senter for dei fleste aktivitetane er Florø og Florevika.

Foto Malakoff

Malakoff festivalen 17.-18.juli 2026

Malakoff er ein musikkfestival som kvart år i veke 29 vert arrangert i vestlandsbygda Nordfjordeid. Malakoff har i over 20 år løfta fram og presentert ein solid miks av internasjonale, nasjonale og lokale artistar. Sjangermessig overvekt av rock i ulike former, men alltid i kombinasjon med andre aktuelle sjangar innan populærmusikken.

Skjærgårdstreffet i Askvoll 18.juli 2026

Velkomen til ei helg fylt med musikk, aktivitetar og moro i hjartet av Askvoll! Skjærgårdstreffet er ein årleg festival der både lokalbefolkning og tilreisande samlast for å feire sommaren med gode opplevingar. Populært å komme sjøvegen sjølvsagt.

Foto: Utkant

Utkant festivalen 23.-25.juli 2026

Festivalen starta som ei markering av at Konge-statuen, – den som eigentleg skulle stått på rådhusplassen i Oslo, men endte opp ytterst i havgapet i Gulen. No blir den feira kvart år, med store artistnavn fra inn- og utland, i nydelege Skjerjehamn.

Foto: Teaterfestivalen i Fjaler/D.Zadig

Teaterfestivalen i Fjaler i september

Kvart år i september forvandlar Dale i Sunnfjord seg til ein scene for teater i alle former.
Teaterfestivalen i Fjaler skaper ein møtestad mellom kunsten og bygda, samtidig som den presenterer scenekunst av høg kunstnarleg kvalitet. Festivalprogrammet inkluderer debattar, foredrag og varierte aktivitetar.